O‘zbekistonda parlamentga saylovlar bo‘yicha saylov kampaniyasi boshlanmoqda

Qonunchilik palatasi hamda viloyatlar, tumanlar va shaharlar davlat hokimiyatining vakolatli organlariga saylovlar 21 dekabr kuni bo‘lib o‘tadi. Saylov kampaniyasi doirasidagi barcha tadbirlar qonunchilikning asosiy printsiplari va talablariga muvofiq holda o‘tkaziladi, deya ta’kidladi MSK rahbari.

MSK majlisida saylovchilar normasi Qonunchilik palatasiga deputatlarni saylash bo‘yicha bitta saylov okrugiga o‘rtacha 154 ming saylovchi hisobidan belgilandi. Ovoz berish 21 dekabr kuni soat 6:00 dan 20:00 gacha o‘tkaziladi.

Saylovlar yakunlari va Qonunchilik palatasiga hamda viloyatlar, tumanlar va shahar kengashlariga saylangan deputatlar ro‘yxati 31 dekabrga qadar matbuotda chop etiladi.

Agar saylov okrugi bo‘yicha deputatlikka ikkita nomzoddan ko‘p kishi nomzodini qo‘ygan bo‘lsa va ularning hech biri saylanmagan bo‘lsa, okrug saylov komissiyasi 2015 yil 4 yanvarga qadar okrugda takroriy ovoz berishni o‘tkazish haqida qaror qabul qilishi kerak.